Filippinda semirib ketgan politsiyachilar uchun majburiy mashg‘ulotlar joriy qilindi
Ortiqcha vaznli politsiyachilar sport zallariga yuborilmoqda.
Filippinda ortiqcha vaznli politsiya xodimlari endilikda haftalik jismoniy mashg‘ulotlarda qatnashishga majbur bo‘lishmoqda. Bu amaliyot ularning sog‘ligini yaxshilash va xizmat samaradorligini oshirish maqsadida joriy etilgan.
Filippin Milliy Politsiyasi (PNP) tomonidan yo‘lga qo‘yilgan yangi dastur vazn me’yordan oshib ketgan xodimlar uchun mo‘ljallangan. Rasmiylarga ko‘ra, bunday mashg‘ulotlar nafaqat tashqi ko‘rinishni yaxshilash, balki umumiy sog‘liq holatini tiklash va xizmatga tayyorgarlik darajasini oshirishga yordam beradi.
Ijtimoiy tarmoqlarda politsiyachilar sport kiyimida umumiy jismoniy tarbiya bilan shug‘ullanayotgani tasvirlangan videolar tarqaldi. Tashabbus sog‘lom turmush tarzini targ‘ib qilish va huquq-tartibot organlari obro‘sini oshirishni ham ko‘zda tutadi.
