Turkiyada o‘rmon yong‘inlarini uyushtirishda gumonlanganlar hibsga olindi
1 iyundan beri mamlakatda 1516 ta o‘rmon yong‘ini sodir bo‘lgan.
Turkiyada o‘rmon yong‘inlarini ataylab qo‘yishda gumon qilinib, 31 kishi qo‘lga olindi. Ularning 10 nafari hibsga olingan, yana 10 nafari sud nazoratida vaqtincha ozodlikka chiqarilgan.
Prezident Rajab Toyyib Erdo‘g‘an maʼlumotiga ko‘ra, 1 iyundan beri mamlakatda 1516 ta o‘rmon yong‘ini sodir bo‘lgan, shundan 1507 tasi nazoratga olingan.
Yong‘inlarga qarshi kurashga 150 ga yaqin samolyot, 25 ming kishi va 6 mingga yaqin texnika jalb etilgan. Ayni damda 9 ta yong‘in hanuz davom etmoqda.
Erdo‘g‘an aytishicha, uchuvchisiz qurilmalar, vertolyotlar va samolyotlar yordamida jami 10 260 parvoz amalga oshirilib, 33 200 tonna suv yong‘in o‘chirishga sarflangan.
