Buyuk Britaniya jinoyatchilarni kuzatishda tana osti texnologiyasini joriy etmoqchi
Britaniya innovatsion nazorat choralarini ko‘rib chiqmoqda.
Buyuk Britaniyada adliya tizimidagi inqirozni yengillashtirish maqsadida ilgari surilgan innovatsion g‘oyalar qatorida jinoyatchilarning terisi ostiga kuzatuv moslamalarini o‘rnatish taklifi alohida e’tiborni tortdi.
“The Guardian” nashriga tayanib oxu.az'ning yozishicha, ushbu g‘oyalar o‘tgan oy Londonda Adliya vaziri Shabana Mahmud rahbarligida bo‘lib o‘tgan yig‘ilishda muhokama qilingan. Unda 20 dan ortiq yetakchi texnologiya kompaniyalari ishtirok etdi. Vazir Mahmud kompaniyalarni qamoqxona tizimiga zamonaviy texnologiyalarni jalb etish orqali yaqin hamkorlikka chorladi.
Qamoqxonalardagi joy tanqisligi, probatsiya xizmatidagi ortiqcha yuklama sharoitida, vazirlar “qamoqxonadan tashqarida qamoqxona” kontseptsiyasini ilgari surmoqda. Unga ko‘ra, jinoyatchilarni nazorat qilish uchun ularning xatti-harakatlari va joylashuvini aniqlovchi taqiladigan yoki hatto tana ostiga o‘rnatiladigan kuzatuv moslamalaridan foydalanish rejalashtirilmoqda.
Texnologik takliflar qatorida robot nazoratchilar va mahbuslarni tashish uchun uchuvchisiz transport vositalarini joriy etish ham mavjud.
Mazkur yig‘ilishda Google, Amazon, Microsoft va AQSh mudofaa tizimi bilan hamkorlik qiluvchi Palantir kabi global texnologiya gigantlari vakillari qatnashgani e’tiborga molik.
