AQSh Ukraina va bir qator davlatlarga qurol yetkazib berishni vaqtincha to‘xtatdi
AQSh harbiy yordam siyosatini qayta ko‘rib chiqmoqda
AQSh hukumati Ukraina hamda yana bir nechta mamlakatlarga qurol-yarog‘ va o‘q-dori yetkazib berish jarayonini vaqtincha muzlatdi. Bu haqda Oq uy vakili Anna Kelli CBS News telekanaliga bergan intervyusida ma’lum qildi.
Kelli so‘zlariga ko‘ra, ushbu mamlakatlar “qayta tasniflangan” bo‘lib, endilikda AQSh harbiy yordamida ustuvor maqomga ega emas. Biroq, u ushbu qaror qaysi davlatlarga tegishli ekanini ochiqlamagan.
Shuningdek, Kelli bu chora “Amerika manfaatlarini birinchi o‘ringa qo‘yish” prinsipiga asoslanganini ta’kidladi.
Mazkur qaror AQShning tashqi harbiy siyosatidagi muhim burilish sifatida baholanmoqda. Bu Ukraina urushi fonida xalqaro yordam muvozanati va geosiyosiy ta’sirlar kontekstida keng muhokama qilinmoqda.
