O‘zbek bankiri Qahramonjon Olimov Fransiyada o‘g‘irlab ketildi
Bank egasining o‘g‘irlanishi ortidan Fransiyada jinoyat ishi qo‘zg‘atildi.
O‘zbekistonlik mashhur moliyachi, bankbing asoschisi va yagona aksiyadori Kahramonjon Olimov Fransiyada odam o‘g‘irlash qurboniga aylandi. Bu haqda nufuzli fransuz nashri Le Monde xabar bermoqda.
Ma’lumotlarga ko‘ra, 48 yoshli tadbirkor 23-iyun kuni Parijning zamonaviy hududida noma’lum shaxslar tomonidan qo‘lga olinib, Nitsa shahri yaqinidagi villaning podvaliga olib ketilgan. U yerda Olimov kaltaklangan va qatag‘on bilan tahdid qilingan. Faqatgina to‘lov amalga oshirilgach, u ozodlikka chiqarilgan.
Parijdagi Hôtel-Dieu shifoxonasi shifokorlari uning tanasida ko‘plab ko‘karishlar va jarohatlar borligini aniqlagan. Olimov o‘zi esa uyqusizlik va doimiy xavotirdan shikoyat qilgan. Uning shaxsiy kotibi Le Monde’ga bergan izohida bu voqeani "yoqimsiz, ammo ortda qoldi" deya izohladi.
Olimov Parijga fransuz hamkorlari bilan uchrashuvlar o‘tkazish va ko‘chmas mulk xarid qilish bo‘yicha kelishuv tuzish maqsadida borgan edi.
Hozirda “bir guruh shaxslar tomonidan noqonuniy ozodlikdan mahrum qilish” moddasi asosida jinoyat ishi qo‘zg‘atilib, bir kishi qo‘lga olingan. O‘zbekistonning bank tizimidagi ishonchli manbalar ham ushbu o‘g‘irlash holatini tasdiqlagan.
Kahramonjon Olimov 2020-yilda tashkil etilgan raqamli bankning 99,38 foiz aksiyalariga egalik qiladi. U, shuningdek, Gollandiyada ro‘yxatdan o‘tgan kompaniya orqali Surxondaryo viloyatida qurilayotgan yirik issiqlik elektr stansiyasi loyihasida ishtirok etmoqda.
