AQSHda yuzaga kelgan toshqinlar katta vayronagarchilikka sabab bo‘lmoqda
Hozirda Kerr okrugida favqulodda holat rejimi eʼlon qilingan.
AQSHning Texas shtatida kuchli yomg‘irlar sabab yuzaga kelgan toshqinlar katta vayronagarchilikka olib keldi. Ayniqsa, Kerr okrugida vaziyat og‘ir tus oldi, deya xabar bermoqda CNN.
Bir necha soat ichida butun yozda yog‘adigan yog‘indan ko‘proq yomg‘ir yog‘di. Guadalupe daryosi sathi atigi 45 daqiqada 792 santimetrga ko‘tarilgan.
Rasmiy maʼlumotlarga ko‘ra, toshqin oqibatida kamida 24 kishi halok bo‘lgan. 500 dan ortiq inson, jumladan, yozgi oromgohdagi 23 nafar bola bedarak yo‘qolgan deb hisoblanmoqda.
Hozirda Kerr okrugida favqulodda holat rejimi eʼlon qilingan. Aholidan xavfsizroq hududlarga ko‘chish so‘ralmoqda. Qutqaruv ishlari davom etmoqda.
