Linkoln imzolagan qullikni bekor qilish hujjati auksionga qo'yildi
Amerikalik milliarder hujjatni auksionida 12 million dollarga xarid qildi.
AQSHda milliarder Kennet S. Griffin Avraam Linkoln tomonidan imzolangan, Konstitutsiyaga 13-tuzatmani o‘z ichiga olgan qo‘lyozma hujjatni Sotheby’s auksionida 12 million dollarga xarid qildi. Komissiya bilan birga umumiy summa 13,7 million dollarni tashkil etdi.
Bu hujjat “Fine Books And Manuscripts, Including Americana” savdosining asosiy lotlaridan biri bo‘lib, tarixiy ahamiyati bilan ajralib turdi. Hozirda bunday nusxalardan faqat to‘rttasi mavjud.
Griffin, shuningdek, 1864-yilda Linkoln imzolagan qullarni ozod qilish haqidagi Proklamatsiyani ham 4,4 million dollarga xarid qildi. U hujjatlarni “insoniyat tengligi yo‘lidagi muhim qadam” sifatida baholadi.
Citadel fondi asoschisi Griffin dunyodagi eng yirik san’at kolleksionerlaridan biri bo‘lib, u turli mashhur muzeylarga homiylik qiladi va ko‘plab noyob asarlarga egalik qiladi.
