AQSh Isroilning G‘azoni to‘liq bosib olish rejasiga qarshi chiqdi
Oq uyda bo'lib o‘tgan muzokarada AQSh, Isroil va Qatar vakillari o‘t ochishni to‘xtatish shartlarini muhokama qildi.
AQSh Isroil tomonidan taklif etilgan G‘azo sektorida harbiy bosqinni davom ettirish rejasini qo‘llab-quvvatlamasligini bildirgan. Bu haqda Axios nashri muzokaralar bilan tanish manbalarga tayanib xabar berdi.
Xabarga ko‘ra, Oq uyda AQShning Yaqin Sharq bo‘yicha maxsus vakili Stiv Uitkoff, Isroilning strategik rejalashtirish vaziri Ron Dermer va Qatar vakili ishtirokida uchrashuv bo‘lib o‘tgan.
Mazkur uchrashuvda o‘t ochishni to‘xtatish shartlari, xavfsizlik kafolatlari va mojaroni siyosiy yo‘l bilan hal etish variantlari muhokama qilingan. Ammo, AQSh Isroil tomonidan G‘azo sektorini to‘liq bosib olish (okkupatsiya qilish) rejasini qo‘llab-quvvatlamasligini qat’iy bildirgan.
Muzokaralar davomida tomonlar mojaroga barham berish va tinchlik yo‘lida harakat qilish zarurligini ta’kidlagan.
