Rossiya yozning ikkinchi yarmida Ukrainaga yirik hujum uyushtirishni rejalashtirmoqda
Kreml Shimoliy Koreyadan olingan dron va o‘q-dorilarni hujumda qo‘llamoqchi.
Germaniyaning Bild nashri manbalariga tayanib yozishicha, Rossiya yozning ikkinchi yarmida Ukrainaga qarshi keng ko‘lamli hujumni amalga oshirishni mo‘ljallamoqda.
Qayd etilishicha, Kreml bu reja doirasida Shimoliy Koreyadan olingan dronlar va o‘q-dorilar hamda boshqa jamlangan resurslardan foydalanishni ko‘zlamoqda.
Ma’lumotlarga ko‘ra, hujum Donetsk va Xarkov yo‘nalishlarida frontni yorib o‘tishga qaratiladi. Rossiya tomoni strategik aviatsiya va Shahed dronlari yordamida keng ko‘lamli zarbalar berishga alohida e’tibor qaratmoqda. Bu harakatlar Ukraina qurolli kuchlarini zaiflashtirish va ehtimoliy muzokaralar oldidan ularni charchatishga xizmat qiluvchi strategiyaning bir qismi sifatida baholanmoqda.
Nashr xabarlariga ko‘ra, Ukraina zudlik bilan havo mudofaa salohiyatini kuchaytirishi va ittifoqchilarning qo‘shimcha harbiy yordamiga muhtoj. Aks holda, Rossiyaning yangi hujum to‘lqiniga qarshi turish qiyinlashadi.
