AQShning sharqiy hududlarini suv bosdi
Hozirda favqulodda holat e’lon qilinib, yuzlab reyslar bekor qilingan.
AQShning Sharqiy qirg‘og‘ida yog‘gan kuchli yomg‘ir natijasida Nyu-York va Nyu-Jersi shtatlarida yirik suv toshqinlari yuzaga keldi. Bu holat shahar infratuzilmasining izdan chiqishiga sabab bo‘ldi.
Milliy ob-havo xizmati Nyu-Yorkdagi barcha besh tumanni favqulodda suv toshqinidan ogohlantirdi. Ko‘plab metro bekatlari suv ostida qoldi, ayrim liniyalar vaqtincha yopildi. Magistral yo‘llar va aeroportlarda ham faoliyat cheklangan, yuzlab aviaqatnovlar kechiktirilgan yoki bekor qilingan.
Nyu-Jersi shtatining Skotch Plains, Somerset, Shimoliy Plainfild va Rozel Park shaharlarida aholi punktlari jiddiy suv bosish holatiga duch keldi. Shtat gubernatori Fil Merfi favqulodda holat joriy etilganini e’lon qildi.
Sinoptiklar yomg‘irli ob-havo hafta oxirigacha davom etishini bildirgan.
