Xitoy armiyasi jangovar tayyorgarlikda robot va dronlardan foydalanmoqda
Mashqlar dushman pozitsiyalariga hujum, razvedka va mudofaa chizig‘ini yorib o‘tishga yo‘naltirilgan.
Xitoy Qurolli Kuchlari jangovar tayyorgarlik mashqlarida sun’iy intellekt asosidagi texnologiyalardan faol foydalanishni boshladi. 13-iyul kuni o‘tkazilgan mashg‘ulotlarda armiyaning ikki diviziyasi “shartli dushman” pozitsiyalariga hujum harakatlarini amalga oshirdi.
China News Service xabariga ko‘ra, mashqlarda kamikadze dronlari hamda “jangovar monster” deb nom olgan yerusti robot tizimlari qo‘llangan. Ushbu texnik vositalar razvedka, hujum, mudofaa chizig‘ini yorib o‘tish va yong‘in ostini tashkil etish kabi taktik elementlarda ishtirok etgan.
Mashg‘ulotlar shaxsiy tarkib bilan uchuvchisiz tizimlarning o‘zaro muvofiqligini oshirishga hamda zamonaviy urush texnologiyalarini tatbiq etishga qaratilgan.
