Isroil Suriyaga hujum qildi
Bu haqda Isroil Mudofaa Kuchlari rasman ma’lum qilgan.
Isroil Mudofaa Kuchlari (IDF) Damashqdagi Suriya Mudofaa vazirligining kirish qismiga zarba berganini ma’lum qildi. Suriya Sog‘liqni saqlash vazirligi kamida 10 kishi halok bo‘lganini, 18 kishi jarohat olganini bildirdi. Bu hujum Suriyaning janubidagi Sweida shahrida boshlangan etnik to‘qnashuvlar fonida yuz berdi. Bu haqda ABC news xabar bergan.
IDF bayonotida aytilishicha, Isroil Suriya harbiylarining Druzlarga qarshi harakatlarini yaqindan kuzatmoqda va hududdagi zarur choralarni ko‘rmoqda. Shu munosabat bilan Isroil Suriyaning tanklari, raketa qurilmalari va og‘ir qurollangan avtomashinalarini ham nishonga oldi. Hujumlar Suriyaning janubida, Golan tepaliklari yaqinida amalga oshirilgan.
Sweida voqealari Suriya ichida etnik ziddiyatlarni yana kuchaytirdi. Assad rejimi qulaganidan keyin hokimiyatga kelgan vaqtinchalik prezident Ahmad al-Sharaa hukumati va Druzlar o‘rtasida keskinlik yuzaga kelgan. Shu sababli Isroil Suriyaning yangi hukumati bilan aloqalarni normallashtirish bo‘yicha urinishlari ham murakkablashib qoldi.
Isroil Bosh vaziri Netanyahu Isroilda yashovchi Druzlar guruhlarini chegarani buzib Suriya hududiga o‘tmaslikka chaqirdi. "Biz Druz birodarlarimizni himoya qilish uchun harakat qilyapmiz. Ammo Isroil fuqarolari sifatida sizlarning hayotingiz xavf ostida," dedi Netanyahu.
