Hindistonda yashin urishi oqibatida 33 kishi halok bo‘ldi
Yashin urishidan vafot etganlarning ko‘pchiligi dehqonlar va ochiq maydonda mehnat qilayotgan ishchilardir.
Hindistonning sharqiy hududlarida bir hafta davom etgan musson yomg‘irlari va kuchli bo‘ronlar mamlakatga jiddiy talafot yetkazmoqda. Hindiston Times’ning yozishicha, yashin urishi oqibatida kamida 33 kishi hayotdan ko‘z yumgan.
Hodisalar asosan Bixar shtatida yuz bergan bo‘lib, halok bo‘lganlarning aksariyati ochiq maydonlarda mehnat qilayotgan dehqonlar va ishchilardir.
Rasmiylar bildirishicha, musson mavsumi davomida Bixarda har yili suv toshqinlari, chaqmoq urishlari va boshqa tabiiy ofatlar minglab odamlarning yashash joylarini tark etishiga sabab bo‘ladi. Ushbu holatlar mahalliy aholining xavfsizligini ta’minlash zaruratini yana bir bor kun tartibiga chiqarmoqda
