Issiq kunlarda chekish sog'liq uchun jiddiy muammolarga olib kelishi ma'lum qilindi
Chekishning zarari yoz faslida yanada xavfli tus oladi.
Chekishning zarari yoz faslida yanada xavfli tus oladi. Bunda nafaqat nikotinning o‘zi, balki yuqori harorat ham yurak-qon tomir tizimiga qo‘shimcha yuk bo‘lib, jiddiy sog‘liq muammolariga olib kelishi mumkin. Bu haqda “Izvestiya” nashri ma’lum qilgan.
Mutaxassisning so‘zlariga ko‘ra, issiq havoda chekish qon tomirlarining yanada siqilishiga sabab bo‘ladi. Bu esa yurak urish tezligini va qon bosimini oshiradi, natijada gipertoniya, insult va yurak xuruji xavfi kuchayadi.
“Issiq havoda organizm allaqachon stress ostida. Chekish esa qonning qovushqoqligini oshirib, trombotsitlar darajasini ko‘taradi. Bu tromboz (qon quyilishi) xavfini keskin oshiradi, ayniqsa inson yetarli miqdorda suv ichmasa,” — deya ogohlantirdi amaliyot shifokori va gastroenterolog Shota Kalandiya
Shifokorning qo‘shimcha qilishicha, chekish organizmda kislorod yetishmovchiligini ham kuchaytiradi. Bu holat, ayniqsa, issiqda organizmning umumiy holatiga salbiy ta’sir ko‘rsatadi. Shu sabab charchoq, asabiylashish, diqqatni jamlay olmaslik va umumiy holsizlik kabi holatlar kuzatilishi mumkin.
Shota Kalandiya shuningdek, chekish to‘qimalarning kislorod bilan ta’minlanishini yanada zaiflashtirishini ta’kidlab, natijada qon aylanishi buzilishi, moddalar almashinuvi sekinlashishi va ish qobiliyati pasayishini qayd etgan.
Shifokor fuqarolarga issiq kunlarda sog‘lig‘iga alohida e’tibor berishni, ayniqsa havo harorati yuqori bo‘lsa, hech bo‘lmaganda vaqtinchalik chekishni to‘xtatishni tavsiya qilgan .
