Tehronda Eron, Rossiya va Xitoy delegatsiyalari uchrashuvi bo‘lib o‘tdi
Muloqotda Eronning yadroviy dasturi va unga qarshi joriy etilgan sanksiyalarni bekor qilish masalasi muhokama qilindi.
Tasnim agentligining xabar berishicha, Tehronda Eron, Rossiya va Xitoy delegatsiyalari o‘rtasida uch tomonlama uchrashuv bo‘lib o‘tdi. Muloqotda asosiy eʼtibor Eronning yadroviy dasturi va unga qarshi joriy etilgan sanksiyalarni bekor qilish masalalariga qaratildi.
Uchrashuv davomida tomonlar ushbu yo‘nalishda hukumatlararo hamkorlikni kuchaytirish va harakatlarni muvofiqlashtirish bo‘yicha doimiy kelishuvlarni davom ettirishga tayyor ekanliklarini bildirdilar. Rasmiylarga ko‘ra, “kelgusi haftalarda” turli darajadagi uchrashuvlar rejalashtirilgan.
Eron Rossiya va Xitoy bilan yadroviy dastur yuzasidan uch tomonlama kelishuvlarni davom ettirishga rozilik bildirgan. Bu uchrashuvlar Eronning xalqaro sanksiyalar fonida o‘z pozitsiyasini mustahkamlashga intilayotgan bir paytda o‘tkazilmoqda.
