Eronda suv tanqisligi kuchaymoqda: Tabrizda suv zaxiralari atigi 75 kunga yetadi
Viloyatda yillik ichimlik suvi iste’moli 380 million kub metrga yetgan.
Eronning Tabriz shahrida suv zaxiralari keskin kamayib, inqiroz darajasiga yetdi. Sharqiy Ozarbayjon viloyati mintaqaviy suv xo‘jaligi rahbari Yusif G‘ofarzodaning ma’lum qilishicha, shaharda atigi 75 kunlik suv zaxirasi qolgan.
Rasmiy ma’lumotlarga ko‘ra, viloyatdagi ichimlik suvi iste’moli o‘rtacha sekundiga 12 ming litrni tashkil qilmoqda, ba’zi vaqtlarda bu ko‘rsatkich 13 ming litrdan oshib ketmoqda. Yillik suv iste’moli 380 million kub metrga yetgan bo‘lib, bu xavotirli ko‘rsatkich sanaladi.
“Qishloq joylarda esa yiliga qariyb 90 million kub metr suv sarflanmoqda”, — deydi G‘ofarzoda.
Uning so‘zlariga ko‘ra, viloyatdagi beshta shahar allaqachon inqiroz holatida (qizil maqomda), yana to‘qqizta shahar esa xavfli chegaraga yaqinlashgan. Tabriz ham hozirda suv tanqisligining og‘ir bosqichiga kirgan shaharlardan biri sifatida qayd etildi.
