Rossiyada 46 yo‘lovchini olib ketayotgan samolyot bedarak yo‘qoldi
Tynda shahriga yetib borishi kerak bo'lgan An-24 samolyoti radar ekranlaridan g‘oyib bo‘lgan.
Rossiyaning uzoq sharqiy hududida, ichida deyarli 50 nafar odam bo‘lgan An-24 yo‘lovchi samolyoti bilan bog‘lanish uzilib qoldi. Bu haqda mintaqaviy hokimiyat va mahalliy favqulodda vaziyatlar xizmatlari ma’lum qildi.
Ma’lumotlarga ko‘ra, samolyot Xabarovsk shahridan havoga ko‘tarilib, Blagoveshchensk orqali Tynda shahriga yetib borishi kerak edi. Biroq Amur viloyati osmonida parvoz chog‘ida radar ekranlaridan yo‘qolgan.
Rossiyaning Angara aviakompaniyasiga tegishli bo‘lgan samolyot ichida 43 yo‘lovchi, jumladan 5 nafar bola, shuningdek, 6 nafar ekipaj a’zosi bo‘lgani aytilmoqda. Favqulodda vaziyatlar vazirligi esa bortdagi yo‘lovchilar sonini taxminan 40 atrofida deb ko‘rsatgan.
Amur viloyati gubernatori Vasiliy Orlov Telegram'dagi sahifasida Samolyotni izlash uchun barcha zarur kuch va vositalar safarbar etilganini yozgan.
Mi-8 vertolyoti qidiruv ishlariga jalb qilingan. Ayni damda hodisa yuzasidan tergov va tezkor izlash ishlari olib borilmoqda.
