Tirik qolganlar yo‘q: Rossiyada bedarak yo‘qolgan samolyot halokatga uchragani maʼlum bo‘ldi
Hozirda voqea joyida qutqaruvchilar ish olib bormoqda.
Rossiyaning Amur viloyatida yo‘qolgan An-24 samolyoti qulagan bo‘lib chiqdi. Bu haqida RIA Novosti nashri xabar bermoqda.
Dastlabki maʼlumotlarga ko‘ra, samolyot ichida jami 49 kishi bo‘lgan. Ulardan 5 nafari bola, 6 nafari esa ekipaj aʼzosi ekani xabar qilingan.
Hozirda halokat sodir bo‘lgan joyda qutqaruvchilar va mutaxassislar ish olib boryapti. 25 nafar qutqaruvchi va 5 ta texnika vositasi safarbar etilgan, qo‘shimcha ravishda 4 ta havo kemasi ekipajlari bilan tayyor holatga keltirilgan. Biroq hozircha tirik qolganlar aniqlanmagan.
Avvalroq parvoz davomida samolyot bilan aloqa uzilgani va u radardan yo‘qolib qolgani xabar qilingandi.
