Kuala-Lumpurda Tailand va Kambodja o‘rtasida o‘t ochishni to‘xtatish bo‘yicha muzokaralar boshlandi
Muzokaralarga Malayziya bosh vaziri vositachilik qiladi.
Bugun, 28-iyul kuni Tailand va Kambodja Malayziyada qurolli to‘qnashuvlarni to‘xtatish bo‘yicha muzokaralarni boshlashga kelishib oldi. Bu haqda Malayziya tashqi ishlar vaziri Muhammad Hasan bayonot bergan.
Muzokaralarga kelishilganiga qaramay, Tailand hukumati Kambodja yirik harbiy operatsiyani rejalashtirayotganini ma’lum qildi. Rasmiy bayonotda kambodjalik harbiylarning harakatlari tartibsiz ekani va harbiy urush qoidalarini buzishi mumkinligi qayd etilgan. Shu bilan birga, tomonlar o‘zaro o‘t ochishni to‘xtatishga tayyorlanayotgani bildirildi.
Ma’lumotlarga ko‘ra, 24-iyul kuni boshlangan qurolli to‘qnashuvlarda kamida 33 nafar harbiy va tinch aholi halok bo‘lgan. Minglab odamlar o‘z uylarini tark etishga majbur bo‘ldi. 27-iyul kuni Tailand delegatsiyasiga bosh vazir vazifasini bajaruvchi Pxumtam Vechayachay, Kambodja tomoni esa bosh vazir Xum Manet boshchilik qilishi kutilmoqda.
Mojaroga Tailand tomonidan Kambodja hududiga dron razvedkasi va aviazarbalar berilgani, Kambodja tomonidan esa “mudofaa choralari” sabab sifatida keltirilmoqda. Ikki davlat o‘rtasidagi yillar davom etayotgan chegara nizosi ayniqsa Preaxvixea ibodatxonasi atrofidagi hududlar ustidan da’volar tufayli avj olgan. 2008-yilda ushbu ibodatxona UNESCO merosi ro‘yxatiga kiritilgach, mojaro yana keskinlashgan edi.
