JSST: Chikungunya virusi 119 mamlakatda tarqaldi, milliardlab odam xavf ostida
Kasallik chivin chaqishi orqali yuqadi va hali unga qarshi vaksina mavjud emas.
Jahon sog‘liqni saqlash tashkiloti (JSST) tomonidan berilgan rasmiy ogohlantirishga ko‘ra, chikungunya virusi global sog‘liqni saqlash tizimi uchun tobora jiddiy xavfga aylanmoqda. Mutaxassislar ushbu virus hozirda 119 ta mamlakatda aniqlanganini va taxminan 5,6 milliard aholining salomatligiga tahdid solayotganini ma’lum qilgan.
JSST ma’lumotlariga ko‘ra, virus Hind okeanidagi orollar va Afrika qit’asining sharqiy sohili bo‘ylab keng tarqalmoqda. Xususan, Madagaskar, Somali va Keniya kabi davlatlarda kasallik holatlari ortib bormoqda.
Yevropada esa chikungunya virusi bilan bog‘liq holatlar avvalambor import orqali aniqlanmoqda. Fransiyada virusning mahalliy yuqishi tasdiqlangan, Italiyada esa shubhali holatlar qayd etilgan.
Mutaxassislarning ta’kidlashicha, virus tez tarqaluvchi xususiyatga ega bo‘lib, unga qarshi vaksinasi hali mavjud emas. Kasallik odatda chivin chaqishi orqali yuqadi va balg‘amli isitma, bo‘g‘imlardagi og‘riq, holsizlik kabi alomatlar bilan namoyon bo‘ladi.
JSST fuqarolarni hushyor bo‘lishga, tropik hududlarga sayohat qilayotganda himoya choralarini ko‘rishga va chivinlarga qarshi profilaktika vositalaridan foydalanishga chaqirmoqda.
