Endi universitetda baxtli bo‘lish sirlari ham o‘rgatiladi
Bu bo‘yicha dunyoda ilk bor “Baxt” fakulteti ochildi.
Amerikaning New Jersey shtatidagi Centenary universitetida inson baxtini o‘rganish bo‘yicha dunyodagi birinchi fakultet ochildi. Bu yerda talabalar doktorlik darajasini olishlari mumkin bo‘ladi.
“Biz butun dunyo miqyosida tashvish, tushkunlik, yolg‘izlik va umumiy baxtsizlikning kuchayib borayotganini ko‘ryapmiz. Bu nafaqat kattalar, balki bolalar va o‘smirlar orasida ham kuzatilmoqda. Ruhiy salomatlik inqirozi paytida bu ortiqcha hashamat emas, balki zaruratdir”, deydi loyiha mualliflaridan biri Tal Ben.
Uning so‘zlariga ko‘ra, taʼlim onlayn formatda 4 yil davom etadi. Talabalar neyrobiologiya, psixologiya, din, falsafa, adabiyot va yetakchilik xislatlarini shakllantirishni o‘rganadi. Dastur so‘ngida PhD darajasiga ega bo‘ladi.
Birinchi bosqichga 25 kishi qabul qilinadi, keyin esa bu yo‘nalishdagi talabalar sonini 100 nafarga yetkazish rejalashtirilgan.
