Rossiyalik erkak 418 marta klinik o'limni boshdan kechirdi
Yurak ritmini kuzatuvchi qurilma bemorning hayotini yuzlab marotaba saqlab qolgan.
Rossiyaning Perm o‘lkasida yashovchi 53 yoshli Yaroslav ismli fuqaro 418 marta klinik o‘lim holatini boshdan kechirdi. Har bir holatda yuragiga o‘rnatilgan kardioverter-defibrilator qurilmasi uning hayotini saqlab qoldi. Bu haqda Komsomolskaya Pravda nashriga xabar berdi.
Yaroslavda 2019-yilda yurak tutilishidan so‘ng qorincha taxikardiyasi rivojlangan. 2025-yilning mart oyida unga yurak urish ritmini kuzatib boruvchi va kerak bo‘lganda elektr impulsi orqali yurakni ishga tushiruvchi maxsus qurilma – kardioverter-defibrilator o‘rnatilgan.
Mazkur qurilma odatda besh yil davomida xizmat qiladi, ammo iyul oyida bemor kasalxonaga yotqizilgan va qurilma to‘rt oy ichida energiyasini to‘liq sarflab bo‘lganligi aniqlangan. Sababi — defibrilator ushbu muddat ichida 418 marta klinik o‘lim holatida ishga tushgan va shuningdek, 3 500 marotaba yurak aritmiyasini aniqlagan.
Shifokorlarning ta’kidlashicha, bu holatlar o‘z vaqtida aniqlanmaganida yoki qurilma ishlamaganida, bemorning hayoti xavf ostida qolgan bo‘lardi. Yaroslavga besh soatlik operatsiya o‘tkazilib, yangi qurilma o‘rnatildi. Hozirda u sog‘lom hayot tarziga moslashmoqda.
