Surxondaryoda uch nafar egizak dunyoga keldi
Hozirda ona va chaqaloqlar ahvoli qoniqarli.
Respublika ixtisoslashtirilgan ona va bola salomatligi ilmiy-amaliy tibbiyot markazi Surxondaryo filialida uch nafar egizak tug‘ildi. Bu haqida Sog‘liqni saqlash vazirligi xabar berdi.
Qayd etilishicha, 1996 yilda tug‘ilgan Shodigul Ahmedova bir yo‘la ikki o‘g‘il va bir nafar qizni dunyoga keltirgan.
- Birinchi chaqaloq – o‘g‘il, vazni 2260 gramm, bo‘yi 46 santimetr;
- Ikkinchi chaqaloq – qiz, vazni 2450 gramm, bo‘yi 46 sm;
- Uchinchi chaqaloq – o‘g‘il, vazni 2350 gramm, bo‘yi 46 sm.
Ona va chaqaloqlar ahvoli qoniqarli, ularga mutaxassislar tomonidan zarur tibbiy yordamlar ko‘rsatilmokda.
Chaqaloqlar otasi sho‘rchilik Bobobek Xolyorovning ham xursandchiligi cheksiz. U farzandlari sog‘lom holda dunyoga kelishiga yaqin ko‘makchi bo‘lgan tibbiyot xodimlaridan minnatdor.
