Eron milliy valyutasi nomi o‘zgartirildi va pul birligidan to‘rtta nol olib tashlandi
Ushbu islohot 2008-yildan buyon muhokama qilinib kelgan.
Eron Vazirlar Mahkamasi mamlakat milliy valyutasining nomini o‘zgartirish va pul birligidan to‘rtta nolni olib tashlash to‘g‘risida qaror qabul qildi. Yangi tizimga ko‘ra, asosiy pul birligi “tuman”, uning kichik birliklari esa “qiron” deb nomlanadi.
Hukumat matbuot kotibi Fotima Mohojironiyning ma’lum qilishicha, fuqarolarning yangi tizimga moslashishi uchun o‘tish davrida to‘man va rial bir muddat birgalikda muomalada bo‘ladi.
Qayd etilishicha, mazkur islohot 2008-yildan buyon muhokama qilinib kelgan bo‘lib, uning maqsadi inflyatsiya ta’sirini kamaytirish, pul muomalasini soddalashtirish hamda kundalik hisob-kitoblarda ko‘p xonali raqamlar ishlatilishini minimallashtirishdan iborat.
