Yangi tariflardan norozi bo‘lgan ittifoqchilar Trampning “zaif nuqtasi”ga zarba berdi
Ispaniya, Hindiston va boshqa davlatlar F-35 xarididan voz kechmoqda, bu esa AQSH harbiy sanoatiga milliardlab zarar keltirishi mumkin.
Politico tahliliga ko‘ra, Donald Tramp joriy etgan “jazolovchi” yangi tariflar va talablar bir qator davlatlarning keskin javob choralariga sabab bo‘ldi.
Ispaniya NATO mudofaa xarajatlarini 5 foizgacha oshirish masalasida kelishmovchiliklar ortdan milliardlab dollarlik F-35 qiruvchi samolyotlari xarididan voz kechdi. Shveysariyada ham yuqori tariflar fonida F-35 xaridini to‘xtatish bo‘yicha siyosiy bosim kuchaymoqda. Hindiston esa AQSH harbiy texnikasi bo‘yicha rejalarni muzlatib qo‘ydi.
Mutaxassislar bu jarayon AQSHning dunyodagi yetakchi qurol yetkazib beruvchi sifatidagi mavqeiga putur yetkazishi, yetkazib berish zanjirlarini xavf ostiga qo‘yishi va milliardlab dollar yo‘qotishga olib kelishini taʼkidlamoqda.
Ispaniya F-35 o‘rniga Buyuk Britaniya, Germaniya, Italiya va Ispaniya birgalikda ishlab chiqayayotgan Eurofighter Typhoon hamda kelajakdagi uchuvchisiz Future Combat Air System loyihalariga mablag‘ yo‘naltirishi mumkin. Ushbu yangi avlod qiruvchisining 2040-yillarda ishga tushirilishi rejalashtirilgan.
Politico bu holatni “Trampning eng zaif nuqtasi — sevimli jangchilari”ga berilgan zarba sifatida baholadi.
