Menga urushlarni to‘xtatish yoqadi — Tramp
U Ukraina mojarosini hal qilib, jannatga kirishdan umid qilmoqda.
AQSH prezidenti Donald Tramp urushlarni tugatishga intilayotganini va Ukrainadagi mojaroni hal qilishga erishmoqchi ekanini aytdi.
“Menga urushlarni to‘xtatish yoqadi” dedi u amerikalik jurnalist Mark Levin bilan suhbatda.
Ukrainadagi mojaro haqida gapirar ekan, Tramp “O‘rtamizda okean bor. Biz unga bunchalik aralashishimiz shart emas edi. Agar urushni to‘xtata olsak, bu ajoyib bo‘lardi”, deb taʼkidladi.
Tramp, shuningdek, Hindiston va Pokiston o‘rtasidagi qarama-qarshilikka barham bergani va boshqa bir qator mojarolarni hal qilgani uchun yana bir bor obro‘ qozondi.
Shuningdek, Amerika prezidenti o‘zini ham, Isroil bosh vaziri Benyamin Netanyaxuni ham “urush qahramonlari” deb atadi.
“Netanyaxu urush qahramoni, chunki biz birga ishlaymiz. U urush qahramoni. Men ham shunday deb o‘ylayman”, - dedi Tramp.
AQSH yetakchisi Ukraina mojarosini hal qila olsa, jannatga kirishiga ham umid qilmoqda.
