Rossiyada maktablarda migrant bolalar soni sezilarli darajada kamaydi
Hujjat va til talablariga javob bermaslik asosiy sabab deb ko‘rsatilmoqda.
Oxu.Az xabariga ko‘ra, bu haqda Rossiya Davlat dumasi raisi Vyacheslav Volodin Telegram sahifasida ma’lum qilgan.
Ma’lumotlarga ko‘ra, migrant bolalar sonining kamayishiga bir nechta omillar ta’sir qilmoqda. Ulardan biri – rus tili bo‘yicha o‘tkazilgan test sinovlarida qoniqarsiz natijalar. Shuningdek, maktablarga hujjat topshirayotgan ba’zi migrantlar taqdim etgan hujjatlarning to‘liq yoki haqiqiy emasligi, xususan Rossiyada qonuniy yashash huquqini tasdiqlovchi ruxsatnomaning mavjud emasligi ham sabab sifatida qayd etilgan.
Shu bilan birga, mutaxassislar bu holatning ta’lim jarayoniga salbiy ta’sir ko‘rsatmasligi uchun qo‘shimcha chora-tadbirlarni ko‘rish lozimligini ta’kidlashmoqda.
