Shavkat Mirziyoyev yetakchi tadbirkorlarni mukofotladi
So‘nggi 4–5 yil ichida 7,5 million aholi bandligi ta’minlandi, shu yil 3 milliondan ortiq ish o‘rni yaratildi.
18-avgust kuni Prezident Shavkat Mirziyoyev tomonidan mamlakatimiz iqtisodiy qudratini oshirish, eksport salohiyatini kengaytirish va aholi bandligini ta’minlash yo‘lida xizmat qilayotgan yetakchi tadbirkorlar fахriy unvonlar, orden va medallar bilan mukofotlandi.
20-avgust kuni Yangi Toshkent shahrida tantanali topshirish marosimi o‘tkazildi. Prezident yig‘ilganlarni Tadbirkorlar kuni va yaqinlashib kelayotgan Mustaqillik bayrami bilan tabrikladi.
Prezidentning so‘zlariga ko‘ra, mamlakatda tadbirkorlik sohasida amalga oshirilgan islohotlar, mutasaddilarni tadbirkorlarni tinglashga majbur qilishi natijasida davlat va tadbirkorlar o‘rtasida ishonch shakllangan. Bu esa jamiyatda tadbirkorlikka do‘stona muhit yaratgan.
Shavkat Mirziyoyev: “Biz tadbirkorlik uchun qulay sharoit yaratdik, ular davlat bilan birga ishlamoqda. So‘nggi 4–5 yil ichida 7,5 million aholi bandligi ta’minlandi, shu yilning o‘zida 3 milliondan ortiq ish o‘rni ochildi. Bularning barchasi investitsiya va biznes muhitini yaxshilash orqali amalga oshdi” deya ta’kidladi.
Prezident tadbirkorlar yoshlar, ayollar va qishloq aholisi bandligini oshirishda, kasb-hunar va tadbirkorlikni o‘rgatishda faol rol o‘ynayotganini ta’kidladi: “Yurtda tadbirkor va ishbilarmonlarning yangi avlodi shakllanishi – bu bizning katta boyligimiz. Har bir tadbirkor yuzlab odamni ish bilan ta’minlaydi, jamiyat hayotiga yangilik olib kiradi.
Marosim davomida davlat rahbari mukofotlarni tantanali topshirdi, mukofotlangan tadbirkorlar o‘z sohasida qo‘rsatgan natijalari uchun minnatdorlik bildirdi. Tadbirda davlat va jamoat tashkilotlari vakillari, olimlar va ziyolilar ishtirok etdi.
