O‘zbekistonda Telegram orqali firibgarlikning yangi sxemasi paydo bo‘ldi
Kiberxavfsizlik markazi fuqarolarni “past foizli kredit” taklif qiluvchi Telegram-botlar firibgarligi haqida ogohlantirdi.
O‘zbekiston Kiberxavfsizlik markazi aholiga yangi turdagi onlayn firibgarlik sxemalari haqida ogohlantirish berdi. So‘nggi vaqtlarda ayrim shaxslar Telegram messenjerida “past foizli kredit olish” ni va’da qiluvchi botlar orqali fuqarolarni aldashga urinayotgani aniqlangan.
Mazkur sxema doirasida firibgarlar pasport ma’lumotlari, bank kartalari rekvizitlari va kredit shartlariga oid ma’lumotlarni so‘raydi. Keyinchalik, jabrlanuvchiga “kredit tasdiqlangan” degan ko‘rinishda soxta xabar yuborilib, maxsus kartaga “komissiya to‘lovi”ni o‘tkazish talabi qo‘yiladi. Shaxsiy ma’lumotlarni qo‘lga kiritgan firibgarlar esa fuqaroning hisoblariga kirish imkoniyatiga ega bo‘lishadi.
Mutaxassislar bunday hujjatlar huquqiy kuchga ega emasligini, ular rasmiy moliya institutlari bilan aloqador emasligini alohida ta’kidlashmoqda.
