Toshkentda tibbiyot chiqindilaridan elektr ishlab chiqaradigan zavod ishga tushirildi
Zavod kuniga 20 soatda 6 tonna chiqindi yoqish quvvatiga ega.
O‘zbekiston Respublikasi Prezidentining tashabbusi bilan “Nol chiqindi” tamoyiliga ko‘ra “Tibbiyot chiqindilaridan muqobiol issiqlik energiyasi ishlab chiqarish” investitsiya loyohasini amalga oshirish chora tadbirlari to‘g‘risidagi 2024 yil 17 iyuldagi 263-son qarori ijrosi yuzasidan AQSH ning “Sayar” kompaniyasi tomonidan tibbiyot chiqindilarini yoqish orqali muqobil issiqlik energiyasini ishlab chiqaruvchi respublikadagi ilk zavod faoliyatini boshladi.
2024 yil 13 aprelda investor loyiha kompaniyasi va O‘zbekiston Respublikasi hukumati nomidan investitsiyalar, sanoat va savdo vazirligi o‘rtasidagi investitsiya shartnomasi imzolangan edi. Bugungi kunda Toshkent shahar Chilonzor tuman 16-son shahar kasalxonasidagi qurilish-montaj ishlari yakunlanib insenerator uskunalari olib kelindi va ilk zavod o‘z faoliyatini boshladi.
Ayni paytda zavodda kuniga 3 tonna tibbiyot chiqindisi yoqilib bartaraf etilmoqda. Zavod kuniga, 20 soatda 6 tonna chiqindi yoqish quvvatiga ega.
Bu kabi chiqindilarni utilizatsiya qilishga mo‘ljallangan navbatdagi zavodlarning qurilishi Toshkent shahar Olmazor tuman Toshkent tibbiyot akademiyasining 2-klinikasi hamda Toshkent tuman Pediatriya tibbiyot instituti, SamPi tibbiyot muassasalarida davom etmoqda.
