O‘zbekistonlik sportchilar TOP-100 ayol atletlar reytingiga kirdi
Jumladan, Safina Saʼdullayeva jahon reytingida 12-o‘ringa ko‘tarildi.
Jahon yengil atletika federatsiyasi ayol sportchilar uchun TOP-100 reytingni yangiladi. Unda dunyoning eng kuchli 100 nafar yengil atlet ayollari orasida O‘zbekistondan ham to‘rt nafar sportchi o‘rin oldi.
Balandlikka sakrash yo‘nalishida Safina Saʼdullayeva jahon reytingida 12-o‘ringa ko‘tarildi va Osiyoda raqobatsiz deb topildi. Shu yo‘nalishda yana bir hamyurtimiz Barnoxon Sayfullayeva dunyo bo‘yicha 60-o‘rinda, Osiyoda esa 6-o‘rinni egalladi.
Uch hatlab sakrash bo‘yicha Sharifa Davronova global reytingda 19-pog‘onada, Osiyoda esa birinchi o‘rinda turibdi.
Yadro itqitishda Malika Nasriddinova reytingda uch pog‘ona yuqorilab, dunyo bo‘yicha 51-o‘ringa chiqdi, Osiyoda esa sakkizinchi o‘rinni band etdi.
