Andijonda MCHJ 4 mlrdlik qum-shag‘alni noqonuniy qazib oldi
Hozirda yetkazilgan zarar MIB tomonidan Ekologiya boshqarmasi hisobraqamiga undirib berilgan.
Xo‘jaobod tumanida joylashgan asosiy faoliyati beton va boshqa qurilish uchun zarur bo‘lgan materiallarni ishlab chiqarish bo‘lgan “M.I.I” MCHJ tumanning “Akbura-I” uchastkasida tegishli ruxsatnomasiz qum-shag‘al aralashmasini qazib olgan. MCHJ tomonidan 3 yil davomida qazib olingan qazilmaning bahosi jami 4 mlrd so‘mni tashkil etgani aniqlangan.
Mazkur holat yuzasidan Jinoyat ishlari bo‘yicha Qo‘rg‘ontepa tuman sudi tomonidan ish hujjatlari o‘rganib chiqilib, MCHJ rahbari T.R. tomonidan 1 mlrd 545 mln so‘m zarar yetkazilganligi belgilangan va 1 mlrd so‘m Andijon viloyat Ekologiya, atrof-muhitni muhofaza qilish va iqlim o‘zgarishi boshqarmasining hisob-raqamiga o‘tkazib berilgan.
Jinoyat oqibatida yetkazilgan zararning qolgan 45,3 mln qismini undirish Majburiy ijro byurosi Xo‘jaobod tuman bo‘limiga yuklatilgan.
Byuro xodimlari tomonidan tegishli tartibda ijro harakatlari olib borilib, yetkazilgan zarar pullari to‘liq undirildi hamda ushbu pullar viloyat Ekologiya, atrof-muhitni muhofaza qilish va iqlim o‘zgarishi boshqarmasiga o‘tkazilishi taʼminlandi.
