Rossiyada O‘zbekiston diplomatlari mahalliy fuqaroni kaltaklagani aytilmoqda
Elchixona tarqalayotgan xabarlarga oydinlik kiritdi.
Rossiya poytaxtida yashovchi bir erkak O‘zbekistonning Moskvadagi elchixonasi yaqinida tan jarohati olgani haqida ma’lum qildi. Bu haqda Readovka nashri xabar berdi.
Nashr ma’lumotiga ko‘ra, hodisa erkak uy hayvoni bilan sayr qilib yurgan paytda sodir bo‘lgan. U elchixona yaqinida noto‘g‘ri joylashtirilgan avtomobilga e’tibor qaratib, mashinada o‘tirganlarga og‘zaki izoh bildirgan.
Jabrlanuvchining so‘zlariga ko‘ra, bunga javoban avval tahdidlar, so‘ngra jismoniy kuch ishlatish holati kuzatilgan. Erkakning aytishicha, unga hujum qilgan shaxslar O‘zbekiston diplomatik vakolatxonasi xodimlari bo‘lgan.
Shuningdek, da’vo qilinishicha, yuzlari tushib qolgan yozuv tarmoqlarga chiqib ketmasligi uchun hodisa ishtirokchilari uning mobil telefonini sindirishga uringan. Jabrlanuvchi politsiyaga murojaat qilgan.
O‘zbekistonning Moskvadagi elchixonasi mazkur xabarlarni rad etdi. Elchixona ma’lumotiga ko‘ra, voqeada tilga olingan avtotransport vositasi va huquqbuzarlarning O‘zbekistonning Rossiyadagi elchixonasiga hech qanday aloqasi yo‘q.
