Tramp: “Putindan hafsalam pir bo‘ldi”
Prezidentning ta’kidlashicha, AQSh odamlar omon qolishi uchun barcha choralarni ko‘rmoqda.
Donald Tramp jurnalistlar bilan suhbatda Rossiya prezidenti Vladimir Putindan “juda hafsalasi pir bo‘lganini” qayd etdi. Uning so‘zlariga ko‘ra, Qo‘shma Shtatlar “odamlarga omon qolishga yordam beradigan barcha choralarni ko‘rmoqda”.
Shuningdek, Tramp 29-avgust kuni Kiyev rahbari Vladimir Zelenskiy va Yevropa yetakchilaridan ham noroziligini bildirgan. Unga ko‘ra, Ukraina va Yevropa o‘z hududlarining bir qismini yo‘qotishini tan olishi kerak. Amerika prezidenti mojaroga barham berish tarafdori ekanini ta’kidladi.
Avvalroq ham Tramp Putin bilan muloqotdan hafsalasi pir bo‘lganini bildirgan, biroq shunga qaramay, u bilan aloqani to‘xtatmaganini qayd etgan edi. Oq uy rahbarining so‘zlariga ko‘ra, Moskva bilan kelishuvga erishish borasida bir necha bor umid bildirgan, ammo baribir konstruktiv muloqot imkoniyati mavjudligiga ishonadi.
