Qozog‘iston Tashqi ishlar vaziri hibsga olindi — OAV
Vazir ShHT sammitidan qaytishi bilan qo‘lga olingan.
Qozog‘iston Respublikasida korrupsiyaga qarshi kurash va huquqni muhofaza qilish organlari tomonidan navbatdagi tergov harakatlari doirasida tashqi ishlar vaziri Murat Nurtleu qo‘lga olindi.
Orda.kz nashri huquq-tartibot idoralaridagi manbalarga tayanib xabar berishicha, vazir Shanxay hamkorlik tashkiloti sammitidan qaytib kelganidan keyin, o‘z uyida ushlangan. Shuningdek, tadbirkor Gadji Gadjiev hamda Milliy xavfsizlik qo‘mitasining bir nechta yuqori lavozimli xodimlari ham qo‘lga olingani ma’lum qilindi. Mazkur shaxslarning uylarida tintuv ishlari olib borilgan.
So‘nggi oylar ichida Qozog‘istonda bir qator yirik mansabdor shaxslarning javobgarlikka tortilishi kuzatilmoqda. Jumladan, avgust oyi boshida transport vaziri o‘rinbosari Satjan Ablaliev poraxo‘rlik gumoni bilan hibsga olingan edi. Iyun oyida esa sobiq adliya vaziri Marat Beketayev firibgarlik va yirik miqdordagi o‘zlashtirishda aybli deb topilib, sud hukmi bilan 9 yilga ozodlikdan mahrum etilgan.
Rasmiy organlar hozircha hibsga olingan vazir va boshqa shaxslarga oid batafsil ma’lumot bermagan.
