“Shukun” laqabli jinoiy guruh a’zosi qo‘lga olindi
U uyushgan jinoiy guruh a’zosi sifatida ro‘yxatga olingan va jinoiy doiralarda ancha faol bo‘lgan.
Qirg‘iziston Milliy xavfsizlik davlat qo‘mitasi matbuot xizmati ma’lum qilishicha, o‘ta og‘ir jinoyatlar uchun muqaddam sudlangan, “Shukun” laqabi bilan tanilgan shaxs qo‘lga olindi.
Tergov ma’lumotlariga ko‘ra, u uyushgan jinoiy guruh a’zosi sifatida ro‘yxatga olingan va jinoiy doiralarda ancha faol bo‘lgan. Gumonlanuvchi nafaqat jinoiy g‘oyalarni targ‘ib qilgan, balki yoshlarga ta’sir ko‘rsatib, ularni guruhga jalb qilgan hamda hududdagi yashirin iqtisodiy oqimlarni nazorat qilib kelgan.
Ushbu shaxs qo‘lga olingan paytda giyohvand modda ta’sirida bo‘lgani aniqlangan. Hozirda u vaqtinchalik saqlash hibsxonasiga joylashtirilib, tergov ishlari olib borilmoqda.
Eslatib o‘tamiz, yaqinda marhum kriminal avtoritet Qamchibek Ko‘lboyevning yaqin hamkori, “Uzun Ulan” nomi bilan tanilgan Ulan Barchakeyev ham Moskvada qo‘lga olinib, Bishkekka olib kelingandi.
