Bojxona institutida kursantlar yurtga sodiqlik qasamyodini qabul qildi

Bojxona institutida birinchi kurs kursantlari uchun muhim va hayajonli lahza — “Vatanga qasamyod” tantanali marosimi bo‘lib o‘tdi. Tadbirda Bojxona qo‘mitasi rahbariyati, Qurolli Kuchlar va bojxona organlari faxriylari, kursantlarning ota-onalari, san’atkorlar hamda OAV vakillari ishtirok etdi.

 

Marosimni Bojxona qo‘mitasi raisining birinchi o‘rinbosari G‘. Nasirov ochib, yoshlar Yangi O‘zbekiston va Uchinchi Renessans poydevorini barpo etayotgan avlod ekanligini ta’kidladi. U, shuningdek, shaffof test sinovlaridan muvaffaqiyatli o‘tib, kursant unvoniga sazovor bo‘lgan yoshlarni samimiy tabriklab, davlatimiz rahbarining yoshlarga oid siyosati natijalarini alohida e’tirof etdi.

 

So‘ng kursantlar Vatanga, xalqqa va Konstitutsiyaga sodiq qolishga, mamlakat iqtisodiy xavfsizligini ta’minlash yo‘lida fidoyilik bilan xizmat qilishga qasamyod qildilar. Tadbirda so‘zga chiqqanlar Vatanni sevish, yurt tinchligi uchun xizmat qilish va bilimga intilishning ahamiyatini qayd etib, yoshlarga kelgusi faoliyatlarida zafarlar tiladilar.

 

Marosim saf maydonida kursantlarning tantanali yurishi bilan yakunlandi. Shundan keyin Bojxona instituti “Ma’naviyat va yoshlar tarbiyasi” markazi ashula va raqs ansambli konsert dasturini namoyish etdi.