Bo‘stonliqqa olib boruvchi yo‘l vaqtincha yopildi
Hududda velosport bo‘yicha musobaqa o‘tkaziladi.
9-10-11 sentyabr kunlari velosport musobaqasi o‘tkazilishi munosabati bilan Bo‘stonliq tumaniga olib boruvchi avtomobil yo‘li yopiladi. Bu haqida viloyat IIBB YHXB xabar bermoqda.
Qayd etilishicha, Toshkent viloyatining Bo‘stonliq tumanida velosport bo‘yicha Respublika turniri o‘tkaziladi. Shu munosabat bilan soat 08:00 dan 15:00 ga qadar D012 “Bektemir-Chorbog‘ q.” avtomobil yo‘lining 34-kilometridan (Chirchiq shaharga kirish “platina”) boshlab 54-kilometrlari (Oqsoqota MFY “Fayz” kafesi) oralig‘ida transport vositalari harakati cheklanadi.
“Bo‘stonliq tumaniga boruvchi fuqorolar Chirchiq shahri yohud Qoramanas, Qo‘shqo‘rg‘on mahallalari orqali harakatlanishlari mumkin bo‘ladi”, deyiladi xabarda.
