Oliy ta'lim vazirligining barcha o'rinbosarlari ishdan olindi
Shuningdek, Prezident farmoni bilan Ta’lim sifatini ta’minlash milliy agentligi direktori Adxam Xudaykulov va Oliy ta’lim, fan va innovatsiyalar vazirligi huzuridagi Innovatsion rivojlanish agentligi direktori Sharof Rajabbayev ham lavozimidan ozod etildi.
“Тo‘g‘ri, maktabgacha va maktab ta’limida o‘zgarishlar bo‘lyapti, dasturlar ishlayapti, natijalar bor. Lekin kasb-hunar va oliy ta’limga mas’ul mutasaddilar hali ta’limdagi islohotlar mazmunini to‘liq tushunib yetgani yo‘q,” – dedi davlatimiz rahbari.
Shu bois, Oliy ta’lim, fan va innovatsiyalar vazirining barcha o‘rinbosarlari – birinchi o‘rinbosar Shoxruh Daliev, o‘rinbosarlar Otabek Mahkamov va Sarvarxon Buzrukhonov ishdan olingani e’lon qilindi.
Endilikda maktabgacha va maktab ta’limi hamda oliy ta’lim, fan va innovatsiyalar vazirlari, ularning o‘rinbosarlari va hokimlar prevantiv va proaktiv ish olib borib, ta’limning barcha yo‘nalishlarida katta o‘zgarishlar amalga oshirishlari shartligi ko‘rsatib o‘tildi.
