Rossiyada qoidabuzar xorijliklarga mamlakatga kirish taqiqlanadi
Uch yil ichida ikki marotaba ma’muriy javobgarlikka tortilgan xorijliklarga mamlakatga kirish taqiqlanishi mumkin.
Rossiya Federatsiyasiga tashrif buyurayotgan xorijiy fuqarolar yo‘l harakati qoidalarini buzgan taqdirda mamlakat hududiga kirishi yoki unda qolishi cheklanishi mumkin.
RIA Novosti xabariga ko‘ra, amaldagi federal migratsiya qonunchiligida belgilangan tartibga binoan, agar chet el fuqarosi uch yil davomida ikki marotaba yoki undan ko‘p marta ma’muriy javobgarlikka tortilsa, Rossiyaga kirishiga taqiq qo‘yilishi mumkin. Bunga jumladan yo‘l harakati qoidalarini buzish holatlari ham kiradi.
Qonunchilikka ko‘ra, texnik ko‘rikdan o‘tmagan transport vositasini boshqarish, piyodalar o‘tish joyida ustunlik bermaslik, davlat raqamini noto‘g‘ri o‘rnatish kabi qoidabuzarliklar xorijlik haydovchilar uchun mamlakatga kirishda uch yilgacha cheklov qo‘yilishiga sabab bo‘ladi.
