O‘zbek shoirining kitobi Turkiyada nashr etildi
Kitob taqdimoti Konya shahrida o‘tgan xalqaro anjuman doirasida bo‘lib o‘tdi.
O‘zbekiston Yozuvchilar uyushmasi a’zosi, taniqli shoir Shuhrat Orifning “Mavi erk” (“Moviy erk”) nomli she’riy to‘plami Turkiyaning Anqara shahrida joylashgan “Edebiyat Ortamı Yayınları” nashriyoti tomonidan chop etildi.
Mazkur asar Konyoda o‘tkazilgan “Mavlono ma’naviy merosi: XIV Xalqaro she’riyat anjumani” doirasida taqdimot qilindi. To‘plamga ijodkorning turli davrlarda yaratgan she’rlari jamlangan bo‘lib, ularni turk tiliga shoir va turkshunos olim Muhittin Gumush tarjima qilgan.
Eslatib o‘tamiz, Shuhrat Orif yaqinda Turkiy madaniyat xalqaro tashkiloti – TURKSOY medali bilan taqdirlangan edi. U, shuningdek, TURKSOY Yozuvchilar uyushmasi a’zosi hisoblanadi. Shoirning asarlari ingliz, turk, ozarbayjon, qozoq, qirg‘iz, turkman, uyg‘ur va boshqa ko‘plab tillarga tarjima qilingan.
