Saida Mirziyoyeva Oliy sudda sudyalar bilan bo'lgan uchrashuvda qatnashdi
Uchrashuvda barcha darajadagi rahbarlar va sudyalar ishtirok etdi.
Bugun Oliy sud binosida mamlakatimiz sudyalar hamjamiyati bilan uchrashuv bo‘lib o‘tdi. Unda barcha darajadagi rahbarlar va sudyalar ishtirok etdi.
Ta’kidlanishicha, Prezident Administratsiyasi oldiga qo‘yilgan beshta ustuvor vazifada sud islohoti alohida o‘rin tutadi. So‘nggi sakkiz yil davomida odil sudlov sohasida xorijiy tajribani o‘z ichiga olgan keng ko‘lamli o‘zgarishlar amalga oshirildi.
Uchrashuvda sud tizimini sun’iy intellekt asosida raqamlashtirish, nizosiz masalalarni notariuslarga o‘tkazish hamda sudyalarni tayyorlash tizimini takomillashtirish bo‘yicha qabul qilingan farmonlar muhokama qilindi. Shu bilan birga, eskirgan ta’lim tizimi o‘rniga Odil sudlov akademiyasi tashkil etilgani qayd etildi.
O‘zbekiston Prezidenti Administratsiyasi rahbari Saida Mirziyoyeva ochiq muloqot uchun barchaga minnatdorlik bildirib, Alisher Ataxanovich Usmonovni Oliy sud raisining birinchi o‘rinbosari lavozimiga tayinlangani bilan tabrikladi.
