Ta’lim vazirliklarida yangi tayinlovlar amalga oshirildi
Avvalroq vazirning barcha o‘rinbosarlari ishdan olingani e’lon qilingan edi.
Oliy taʼlim, fan va innovatsiyalar vazirligida bo‘shagan lavozimlarga yangi tayinlovlar amalga oshirildi. Avvalroq vazirning barcha o‘rinbosarlari — Shoxruh Daliyev, Otabek Mahkamov va Sarvarxon Buzrukxonov ishdan olingani e’lon qilingan edi.
Yangi qarorga ko‘ra, Sardor Rajabov oliy taʼlim, fan va innovatsiyalar vazirining birinchi o‘rinbosari lavozimiga tayinlandi. U bunga qadar Maktabgacha va maktab taʼlimi vaziri o‘rinbosari bo‘lib ishlagan.
Shuningdek, Baxtiyor Yoʻldashev Prezident Administratsiyasi huzuridagi Taʼlim sifatini taʼminlash milliy agentligi direktori etib tayinlandi.
Bundan tashqari, Azizbek Turdiyev Maktabgacha va maktab ta’limi vazirining o‘rinbosari lavozimiga tayinlandi. U ilgari vazirlik maslahatchisi sifatida faoliyat yuritgan bo‘lib, xalqaro loyihalarda ham faol qatnashib kelgan.
