Ilon Maskning otasi inson umrini 120 yilgacha uzaytirmoqchi
U, shuningdek, Gravitatsiya institutini ochish g‘oyasini ilgari surdi.
Amerikalik biznesmen va milliarder Ilon Maskning otasi Errol insonlarning umrini uzaytirishga qiziqish ortib borayotgan bir sharoitda uzoq umr ko‘rish bo‘yicha tadqiqot olib borishni istashini aytdi. Bu haqida “Gazeta.ru” nashri yozmoqda.
“Odamlar ayni paytda tortishish kuchiga emas, uzoq umr ko‘rishga ko‘p pul sarflashga tayyor”, - dedi u.
Errol bunday tadqiqotlar natijasida inson umrini 120 yilgacha uzaytirish mumkinligini taxmin qilmoqda. Uning taʼkidlashicha, 1914-yilgacha yevropalik ayollar o‘rtacha 39 yoshgacha yashagan bo‘lsa, bugungi kunda 87 yoshgacha yashamoqda.
Shu bilan birga, tadbirkor Gravitatsiya institutini ochish g‘oyasidan voz kechmaydi, bu uning fikricha, ushbu sohani o‘rganishdagi taraqqiyotga hissa qo‘shadi va insoniyatni makon va vaqt sayohatiga yaqinlashtiradi. Errol Maskning taʼkidlashicha, institutni yaratish uchun taxminan 100 million dollar kerak bo‘ladi.
