Nepalda salkam 15 ming mahbus qamoqxonadan qochib ketdi
Bu mamlakatda yuz berayotgan namoyishlar fonida sodir bo‘ldi.
Nepaldagi norozilik namoyishlari tufayli 13500 dan ortiq mahbus qamoqxonalardan qochib ketdi. Bu haqda Nepal politsiyasining rasmiy vakili va bosh inspektori maʼlum qildi.
Unga ko‘ra, mamlakatdagi axloq tuzatish muassasalaridan jami 13572 nafar mahkum qochib ketgan. Bundan tashqari, tergov harakatlari bo‘yicha hibsda saqlanayotgan 560 nafar mahbus ozodlikda yuribdi.
“Bu hodisa seshanba kuni Z-avlod tomonidan tashkil etilgan namoyishlar, vandalizm va yong‘inlar natijasida yuzaga kelgan tartibsizliklar fonida sodir bo‘ldi”, deb tushuntirdi inspektor.
Maʼlumot uchun, ayni paytda Nepalda “Zomer inqilobi” deb ataluvchi yirik norozilik namoyishi davom etmoqda. 4 sentyabr kuni hukumat bunga taqiq qo‘ydi va bir necha kundan so‘ng mitinglar ommaviy tartibsizliklarga aylandi. Katmanduda 500 dan ortiq odam jabrlangani aytilmoqda.
Armiya ko‘chalarni patrul qilish uchun yirik shaharlarga qo‘shin kiritgan. Namoyishchilar Oliy sud sobiq raisi Sushila Karkini muvaqqat hukumatga rahbarlik qilish bo‘yicha konsensusga kelishdi.
