Albaniyada sun’iy idrok yaratgan dunyodagi birinchi vazir paydo bo'ldi
Albaniyada davlat xaridlari endi sun’iy intellekt tomonidan boshqariladi.
Albaniyada davlat xaridlari jarayonlarini boshqarish uchun sun’iy intellekt asosidagi maxsus model – “Diella” joriy etildi. U mamlakat hukumatining jismonan mavjud bo‘lmagan, biroq qaror qabul qilish jarayonida faol ishtirok etuvchi birinchi “raqamli a’zosi” sifatida e’tirof etildi.
Albaniya Bosh vaziri Edi Ramaning ta’kidlashicha, yangi tizimning joriy etilishi “100 foiz korrupsiyasiz” davlat xaridlari mexanizmini yaratishga xizmat qiladi. Endilikda davlat tenderlari bo‘yicha qarorlar sun’iy intellekt modeli tomonidan ko‘rib chiqiladi.
“Diella” modeli ilgari “e-Albaniya” raqamli platformasi faoliyatida qo‘llanilgan bo‘lib, aholiga ko‘plab davlat xizmatlaridan foydalanishda qulaylik yaratgan.
