Fransiyada siyosiy inqiroz: Makron iste’foga chiqishi mumkin
104 deputat prezident Emmanuel Makronga impichment e’lon qilish tashabbusini imzoladi.
Fransiyada mamlakat prezidenti Emmanuel Makron faoliyatiga nisbatan impichment jarayoni boshlandi. Parlamentda 104 nafar deputat ushbu tashabbusni qo‘llab-quvvatlab, respublika prezidentiga nisbatan ishonchsizlik masalasini kun tartibiga kiritdi.
“Tarixiy voqea! 10-sentabr kuni o‘tkazilgan ommaviy norozilik namoyishlaridan so‘ng 104 deputat ekologlar va kommunistlar bilan birgalikda Makronga impichment e’lon qilish tashabbusini imzoladi. Prezident iste’foga chiqishi kerak”, — dedi “Insoumise France” partiyasi raisi Mathilde Pano.
Eslatib o‘tamiz, 10-sentabr kuni “Hammasini yoping” shiori ostida Fransiya bo‘ylab yirik namoyishlar bo‘lib o‘tdi. Norozilar hukumatning iqtisodiy siyosati va byudjet qisqartirishlariga qarshi chiqib, ko‘chalarni to‘sib qo‘ydi, chiqindi qutilarini yoqdi hamda politsiya bilan to‘qnashuvlarga sabab bo‘ldi.
Deputatlar ovoz berish jarayonida 364 qarshi, 194 tarafdor ovoz bilan hukumatga ishonchsizlik bildirishdi. Natijada bosh vazir Fransua Bayru hukumati iste’foga chiqdi. Namoyishlardan so‘ng mamlakatning ko‘plab shaharlarida fuqarolar bayramona chiqishlar uyushtirdi.
