Rossiyaga qarshi xalqaro sanksiyalar kengaytirilmoqda
Buyuk Britaniya, Yangi Zelandiya va Yaponiya yangi sanksiyalar joriy qildi.
Rossiyaning agressiv siyosati hamda urush harakatlariga javoban qator davlatlar tomonidan yangi cheklov choralarini qo‘llash to‘g‘risida qaror qabul qilindi.
Buyuk Britaniya hukumati Rossiyaga qarshi sanksiyalar ro‘yxatini 30 bandga kengaytirganini ma’lum qildi. Shuningdek, hujjatga ko‘ra, sanksiyalar paketiga 70 ta yangi tushuntirish kiritilgan.
Yangi Zelandiya tashqi ishlar vazirligi bayonotiga ko‘ra, mamlakat Rossiya neftining maksimal narxini bir barrel uchun 47,6 dollar qilib belgiladi. Bundan tashqari, 19 nafar jismoniy va yuridik shaxs hamda Rossiya neft sektoriga aloqador 19 ta kema sanksiyalar ro‘yxatiga qo‘shildi.
Yaponiya Vazirlar Mahkamasi ham Rossiya hamda ayrim uchinchi davlat kompaniyalariga qarshi qo‘shimcha cheklovlarni joriy etganini bildirdi. Yangi sanksiyalar doirasida 14 nafar rossiyalik shaxs va 48 ta kompaniya hamda tashkilotga nisbatan choralar belgilandi. Tokio, shuningdek, Rossiya neft narxini bir barrel uchun 47,6 dollar qilib belgiladi
