Toshkentda o‘smir yigit Spark‘da YPX mashinasini urib, ag‘darib yubordi
Oqibatda ikkala haydovchiga birinchi tez tibbiy yordam ko‘rsatilgan.
Bugun, 12 sentyabr kuni Toshkent shahrida haydovchilik guvohnomasiga ega bo‘lmagan yigit Spark avtomashinasida YPX xodimining mashinasi bilan yo‘l-transport hodisasi sodir etdi. Bu haqida shahar IIBB YHXB maʼlum qildi.
Qayd etilishicha, soat 00:45 larda Chilonzor tumani Bunyodkor ko‘chasida 2008 yilda tug‘ilgan B.J. davlat raqam belgilarisiz Spark rusumli avtomashinasini boshqarib kelayotib, o‘z yo‘nalishini Cho‘pon ota ko‘chasiga o‘zgartirib 3-qatordan 1-qatorga keskin burilgan va harakatni o‘nga o‘zgartirgan.
Shu vaqta o‘z yo‘nalishida 1-qatorda harakatlanib kelayotgan YPX xodimi boshqaruvida bo‘lgan Lacetti rusumli xizmat avtomashinasi bilan to‘qnashib yo‘l transport hodisasini sodir etgan.
YTH natijasida avtomashina haydovchilariga birinchi tez tibbiy yordam ko‘rsatilgan. Og‘ir tan jarohat olganlar yo‘q.
Mazkur holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.
