Toshkentdagi 62-maktab direktori pedagoglarni haqorat qilgan uchun ishdan olindi
Rahbarning xatti-harakati kasbiy odob qoidalariga zid deb topilgan.
Toshkent shahri Uchtepa tumanidagi 62-maktab direktori lavozimidan ozod etildi.
Ijtimoiy tarmoqlarda tarqalgan videolarda maktab rahbari 1-sinf o‘quvchilari ishtirokida ayol o‘qituvchilarni haqorat qilgani qayd etilgandi. Mazkur holat Toshkent shahar Maktabgacha va maktab ta’limi boshqarmasi tomonidan o‘rganib chiqildi.
Boshqarma axborotiga ko‘ra, xodimning harakati kasbiy odob me’yorlariga zid deb topilib, unga nisbatan qonuniy choralar ko‘rilgan va rahbarlik lavozimidan ozod etilgan.
Shuningdek, boshqarma tizimida faoliyat yuritayotgan barcha pedagog va rahbar xodimlardan kasbiy etika qoidalariga qat’iy amal qilish talab etilishi yana bir bor eslatib o‘tildi.
